Sexualidade

Sábado 29 de março às 19h30 no C.S.A. de Sar (rúa Curros Enriquez nº 28) celebrará-se umha jornada que constará do visionado dumha parte do documentário "El oro de Salave" de José Alberto Álvarez e da posterior intervençom do companheiro Charlie "Patillas", membro da plataforma Oro No (Tapia de Casariego-Asturies). Posteriormente haverá umha charla-coloquio onde poderemos intercambiar opinions sobre os processos similares que quer em Asturies quer na Galiza estamos a viver.

A plataforma 'Oro no' loita contra a apertura dumha devastadora mina de ouro no povo de  Salave por parte na empresa Asturgol. Reivindicam o dereito a continuar a viver da pesca, da gandeiria e a conservar o patrimonio natural e paisagístico. A mina de ouro destruiria todo isso.

O documentário visualiza parte das questons tratadas no livro homónimo, obra de autoria múltipla no qual se analiza a chegada da febre do ouro por parte de multinacionais a espaços como Asturias ou outros territórios e a necessidade de resistir e opor-se a esses projectos que constituem umha ameaza para a Tapia de Cassariego em particular, e o resto de espaços ameazados por projectos similares em geral.

Esta atividade é co-organizada polos colectivos  e Adega, C.S. A Gentalha do Pichel C.S. A. de Sar.